Гутерришнинг Киевга ташрифи санаси маълум бўлди
БМТ раҳбари у ерда ташқи ишлар вазири ва президент билан учрашади.
БМТ бош котиби Антониу Гутерриш 28 апрелда Украинага ташриф буюради. Бу ҳақда унинг офиси хабар берди.
Унга кўра, Гутерриш Киевда ташқи ишлар вазири Дмитрий Кулеба ва президент Владимир Зеленский билан музокара ўтказади. Бундан ташқари, бош котиб Украинада фаолият олиб бораётган БМТ ходимлари билан ҳам учрашади. Гутерриш улар билан Украина аҳолисига гуманитар ёрдам етказишни кенгайтириш масаласини муҳокама қилади.
Аввалроқ Путиннинг БМТ бош котиби билан учрашуви санаси маълум бўлганди.
