Жек Греалиш "Челси"га ўтиши мумкин
У "Манчестер Сити"ни тарк этиши мумкин.
"Манчестер Сити" вингери Жек Греалиш ёзги трансфер ойнасида жамоани тарк этиши мумкин.
Журналист Саймон Филлипснинг ижтимоий тармоқларда ёзишича, Лондоннинг "Челси" жамоаси ўз таркибини кучайтириш имкониятларини ўрганмоқда ва ўйинчига кўз тикиб қўйган.
Эслатиб ўтамиз, Жек Греалиш 2021 йилдан буён "Манчестер Сити"да ўйнаб келмоқда. Жорий мавсумда футболчи барча турнирларда 35 та учрашувда қатнашиб, 3 та гол ва 3 та голли узатмага муаллифлик қилган. Футболчининг клуб билан амалдаги меҳнат шартномаси 2027 йилнинг ёзига қадар амал қилади. Трансфермаркт порталида берилган маълумотларга кўра, футболчининг бозор қиймати 65 миллион еврони ташкил қилади.
