Борис Жонсон кейинги ҳафтада Саудия Араистонига ташриф буюрмоқчи.
Бу ҳақа The Times хабар берди.
Жонсон Ар-Риёдни кўпроқ нефть қазиб чиқаришга чақирмоқчи. The Times маълумотларига кўра, Британия бош вазирининг Россияга қарши санкция жорий этишдан асосий мақсади Москванинг Ғарбга нефть ва газ етказиб беришини бутунлай тўхтатиш.
Агарда Саудия Арабистони ва Яқин Шарқнинг бошқа давлатлари нефть қазиб олишни кўпайтирса, “У Москвани доғда қолдириши ва Буюк Британияда яшашни арзонлашишига олиб келиши мумкин”.
Шу билан бирга Саудия Арабистони валиаҳд шаҳзодаси Салмон бин Муҳаммаднинг Ғарб, хусусан, АҚШ билан муносабатларида қатор мураккабликлар бор. Аввалроқ у Байден билан телефонда мулоқот қилишдан бош тортганди.
The Times’нинг маълум қилишича, Салмон бин Муҳаммад саудиялик журналист Жамол Қошиқчи ўлими билан боғлиқ вазиятда иммунитетга эга бўлмоқчи.
Аммо экспертлар Жонсоннинг ушбу ташрифи амалда ҳеч қандай натижа бермаслигини таъкидламоқда.
Эслатиб ўтамиз, аввалроқ Венгрия бош вазири ЕИ Россия энергетик секторига санкция жорий этмаслигини маълум қилганди.