Норматив-ҳуқуқий ҳужжатлар лойиҳалари муҳокамаси порталига «Ногиронлиги бўлган шахсларни соғломлаштириш ҳамда Ўзбекистон кўзи ожизлар жамияти аъзоларига тиббий хизмат кўрсатишда янада қулай шарт-шароитлар яратиш бўйича чора-тадбирлар тўғрисида»ги қонун лойиҳаси жойлаштирилди.
Тақдим этилаётган қонун лойиҳасига кўра, 2024 йилдан бошлаб Ўзбекистон кўзи ожизлар жамияти тавсиясига асосан кўришда нуқсони мавжуд ногиронлиги бўлган шахсларга Ўзбекистон кўзи ожизлар жамиятига қарашли «Янгийўл» юрак-асаб касалликлари сиҳатгоҳига йўлланмалар бериш жорий этилади.
Бунинг натижасида ҳар йили 1200 нафар кўришда нуқсони мавжуд ногиронлиги бўлган шахсларнинг «Янгийўл»даги соғломлаштириш харажатлари давлат бюджети ҳисобидан ажратиладиган маблағлар ҳисобидан қопланади.
Қайд этилишича, лойиҳадан кўзланган асосий мақсад кўришда нуқсони мавжуд ногиронлиги бўлган шахсларни соғломлаштириш йўлланмалари харажатларини давлат бюджети маблағлари ҳисобидан қоплаб бериш.
