Леди Гаганинг концерти 2 миллион томошабин билан рекорд ўрнатди
Концерт томошабинлар учун бепул ташкил этилган.
Америкалик қўшиқчи Леди Гаганинг Рио-де-Жанейрода бўлиб ўтган концерти 2 миллиондан ортиқ томошабинни тўплаб, аёл ижрочиларнинг энг йирик якка чиқиши сифатида тарихга кирди. Концерт томошабинлар учун бепул ташкил этилди ва унинг барча харажатларини Бразилия ҳукумати қоплаган.
Маълумотларга кўра, тадбир маҳаллий иқтисодиётга тахминан 100 миллион доллар фойда келтирган. Шу билан бирга, Бразилия полисия ходимлари концертда террорчилик ҳаракати олди олинганини, қўлбола портловчи мосламалар ва “Молотов коктейллари” билан ҳужум уюштиришни режалаштирган шахслар қўлга олинганини маълум қилди.
