Франция президенти Эммануэль Макроннинг Украинага қўшин юбориш ҳақидаги баёноти халқаро хавфсизлик нуқтаи назаридан жиддий ташвиш уйғотмоқда.
Хабарларга кўра, “Rise, France” партияси етакчиси Никола Дюпон-Аньян ўзининг “X” ижтимоий тармоғидаги саҳифасида Макроннинг бундай ташаббусини “Учинчи жаҳон урушига олиб келиши мумкин бўлган бепарво провокация” дея баҳолади.
Унинг қайд этишича, Франция президенти мамлакатнинг ўнлаб миллиард евро маблағини “чексиз можаро”га сарфлаш нияти билан нафақат Франциянинг, балки бутун дунёнинг тинчлиги учун хавф туғдирмоқда.
4 сентябр куни Парижда бўлиб ўтган “Иродалар коалицияси” йиғилишидан сўнг Макрон 26 давлат билан Украинага хавфсизлик кафолатлари тақдим этиш бўйича келишувга эришилганини маълум қилган. Бу ташаббусга қуруқлик, денгиз ва ҳаво кучларини жалб этиш режалари ҳам киради.