Осака шаҳрида ташкил этилган EXPO бутунжаҳон кўргазмасида Ўзбекистон павилони ўз йўналиши бўйича олий мукофотга — “Мавзунинг энг яхши очиб берилиши” номинациясида олтин медалга сазовор бўлди. Бу ҳақида Президент Администрацияси раҳбари Саида Мирзиёева маълум қилди.
Қайд этилишича, “Билимлар боғи: келажакдаги жамият учун лаборатория” концепциясида анъаналар ва инновациялар уйғунлиги ўз аксини топган.
“Ғоямиз жаҳон ҳамжамиятида кенг кўламли акс-садо берди. Барчани руҳлантирган профессионаллик ва ушбу лойиҳага бўлган ишонч учун бутун жамоага, шунингдек, халқаро ҳамкорларимизга самимий миннатдорлик билдираман”, деб ёзди Мирзиёева.