2025 йил 1 июль ҳолатига кўра, Ўзбекистонда жисмоний шахсларга тегишли 4 миллион 612,7 мингта автомобиль рўйхатга олинган. Бу кўрсаткич ўтган йилга нисбатан 441,5 минг донага кўп, дея хабар бермоқда Статистика қўмитаси.
Автопаркнинг 93 фоизини енгил автомобильлар ташкил этади — 4 миллион 289 минг дона. Шунингдек, республикада 302,6 минг юк автомобили, 7,7 минг микроавтобус, 7,3 минг махсус автомашина ва 6,1 минг автобус мавжуд.
2025 йил 1 апрель ҳолатида 4 миллион 522,1 минг автомобиль қайд этилгани маълум қилинган эди. Шундай қилиб, икки ой ичида автомобильлар сони қарийб 100 минг донага ошган.