Хорватиянинг Загреб шаҳрида ўтказилган спорт кураши бўйича жаҳон чемпионатида Айтжан Халмаханов Ўзбекистон шарафини муносиб ҳимоя қилди. У юнон-рум курашида -63 кг вазн тоифасида финалда кореялик Чунг Хан-Жени мағлуб этиб, олтин медалга сазовор бўлди.
Бу натижа — сўнгги 24 йил ичида ўзбекистонлик юнон-рум курашчилари учун жаҳон чемпионатида қўлга киритилган илк олтин медаль ҳисобланади.
Чемпионат якунига кўра, Ўзбекистон терма жамоаси жами 5 та медаль олди:
-
Олтин: Айтжан Халмаханов (63 кг, юнон-рум кураши)
-
Кумуш: Алишер Ғаниев (60 кг, юнон-рум кураши)
-
Бронза: Ғуломжон Абдуллаев (57 кг, эркин кураш)
-
Бронза: Умиджон Жалолов (65 кг, эркин кураш)
-
Бронза: Абдулло Алиев (72 кг, юнон-рум кураши)