Пандемия яна қанча давом этади?
АҚШнинг Pfizer компанияси бу бўйича ўз прогнозларини маълум қилди.
АҚШнинг Pfizeer фармасевтика компанияси COVID-19 пандемияси 2024 йилгача чўзилиши мумкинлигини эълон қилди. Баёнотда, шунингдек, 2 ёшдан 4 ёшгача бўлган болалар учун паст дозали вакцинанинг клиник синовларида кутилганидан заифроқ ҳимоя натижасини кўрсатгани таъкидланган.
2 ёшдан 4 ёшгача бўлган болалар учун синов тадқиқотларида олинган заиф ҳимоя натижалари, вакцинани тасдиқлашни кечиктирди.
Пфизер расмийси Микаел Долстен инвесторларга тақдимотида, коронавирус пандемияси дунёнинг баъзи қисмларида ҳозирги вазиятда бўлгани каби яна бир ёки икки йил давом этишини кутишларини, бошқа мамлакатларда эса пандемиянинг «эндемик» ҳолатга ўтишини таxмин қилинаётганини маълум қилди.
БиоНТеч билан биргаликда СОВИД-19 вакцинасини ишлаб чиқарган Пфизер, 2024 йилга келиб пандемия глобал миқёсда эндемик даражага етишини башорат қилди:
"Бунинг аниқ қачон ва қандай содир бўлиши касалликнинг ривожланиши, жамият эмлашни қанчалик самарали амалга ошираётгани ва эмлаш даражаси паст бўлган жойларга вакцинанинг адолатли тақсимланишига боғлиқ бўлади. Янги штаммларнинг пайдо бўлиши пандемия жараёнига ҳам таъсир қилиши мумкин".
Пфизерънинг пандемия яна бир ёки икки йил давом этиши ҳақидаги баёноти, Европанинг кўплаб мамлакатлари Омикрон штамми туфайли янги тўлқинга дуч келган ва уни олдини олиш чоралари кўрилаётган бир пайтга тўғри келди.
