Перунинг Лима шаҳрида жойлашган полиция бўлими ходими Ғайриоддий Валентин куни рейдида капибара кийимида гиёҳванд моддалар савдогарини қўлга олди.
BBC хабарига кўра, ушбу полициячи катта кемирувчи — капибара қиёфасида шубҳали шахснинг уйига бостириб кириб, уни ерга йиқитган ва қўлга олган.
Ижтимоий тармоқларда тарқалган видеода полициячининг капибара кийимида жиноятчига яқинлашгани, уни ерга йиқитиб, қўлини кишанлагани акс этган. Полиция маълумотига кўра, рейд давомида 1 700 дан ортиқ гиёҳванд моддалар (кокаин ва марихуана) ўрамлари топилган. Ушбу операцияни Перунинг махсус гиёҳвандликка қарши курашувчи бўлинмаси — Эссуадрон Верде амалга оширган.
Қизиғи шундаки, бу бўлинма илгари ҳам ўз зобитларини Ўргимчак одам, Капитан Америка, Тўр ва Қора Бева каби Марвел қаҳрамонлари сифатида кийинтириб, гиёҳвандликка қарши рейдлар ўтказган. Ушбу усул, асосан, Валентин куни, Хеллоуин ва Рождество каби байрамларда қўлланилади.