Хитойликларни олиб кетаётган машиналар портлатиб юборилди
Хитойнинг Покистондаги элчихонаси икки хитойлик фуқаро ҳалок бўлгани ва яна бир киши жароҳатлангани ҳақида маълум қилди.
Кеча кечқурун Покистонда, Карачи аэропорти яқинида мамлакатда электр станцияларини қураётган Хитой компанияси автомобиллари карвони портлатиб юборилди.
Покистон полициясининг матбуотга маълум қилишича, ўн нафар ярадор шифохонага етказилган, улардан бири оғир аҳволда.
Бу ҳаракат учун масъулиятни Балужистон вилоятининг Покистондан ажралиб чиқиши тарафдори бўлмиш “Балужистон озодлик армияси” гуруҳи ўз зиммасига олди. У бир неча йиллардан буён мамлакатнинг турли объектларида хитойлик ишчиларга ҳужумлар уюштирмоқда ва бунга балучлар минералларга бой провинциядаги Хитой лойиҳаларидан келадиган фойдадан адолатли улуш олмаганликларини сабаб қилиб кўрсатишмоқда.
Балужлар — Покистон, Эрон ва Афғонистон чегаралари билан бўлинган халқ. Покистоннинг Балужистон вилоятида аҳолининг учдан бир қисмидан сал кўпроғини балужлар ташкил қилади.
Хитой элчихонаси баёнотида айтилишича, портлаш содир бўлган жойдаги фуқаролар Карачи яқинидаги “Қосим” портида иккита кўмир ёқилғи станциясини қураётган Port Qasim Power Generation Co Ltd компаниясида ишлайди.
