Пулинг бўлса....
Япониялик миллиардер ўзи билан Ойга учиб борадиган 8 кишини танлади.
2023 йилда Ойга космик турист сифатида учишни режалаштирган япониялик миллиардер Юсаку Маэдзава ўз жамоаси таркибини эълон қилди.
Экипажга 8 киши кирган. Хусусан, келиб чиқиши япониялик бўлган америкалик диджей Стива Аоки ва машҳур жанубий кореялик қўшиқчи TOP жамоадан ўрин олган. Шунингдек, Чехия, Ирландия, Буюк Британия ва Ҳиндистон вакиллари ҳам миллиардер билан Ойга учади.
46 ёшли Маэдзава 2018 йилда SpaceX томонидан Ойга илк космик турист сифатида танланганди. У космик кемадаги барча жойларни сотиб олганди.
Бу бизнесменнинг космосга илк парвози эмас. Ўтган йил декабрида у Россиянинг "Союз МС-20" кемасидаги халқаро космик станцияда бўлганди.
