“Коммерсант” маълумотларига кўра, Кремль ички сиёсий блоки 2024 йилги президентлик сайловига тайёргарликни бошлади. Амалдаги давлат раҳбари Владимир Путин номзоди навбатдаги муддатга илгари сурилиши мумкин.
Россия президентининг ўзи ҳозирча сайловда иштирок этиш истагини эълон қилмаган. Аммо унинг администрацияси Путин иштирокини инобатга олган ҳолда турли сценарийларни ишлаб чиқмоқда.
Қайд этилишича, тайёргарлик бошланғич босқичда ва унинг аниқ мафкуравий чегаралари ҳозирча белгиланмаган. Шу билан бирга Путиннинг сайловолди дастурида бирдамлик ғояси асосий ўрин эгаллаши кутилмоқда.
Владимир Путин 2000 йилда илк бор президент этиб сайланган. 2008-2012 йилларда у Россия ҳукуматни бошқарган. 2012 йилда Кремлга қайтган Путин ҳозирга қадар давлатни бошқариб келмоқда.