Тошкент шаҳрида 3 июль куни Ўзбекистон, Қозоғистон ва Қирғизистон Энергетика вазирларининг навбатдаги уч томонлама учрашуви бўлиб ўтди.
Энергетика вазирлиги маълумотларига кўра, барча соҳалар қатори энергетика соҳасидаги ҳамкорликка ҳам алоҳида эътибор қаратилаётгани, гидроэнергетикадаги лойиҳаларни амалга ошириш, шу жумладан «Қамбарота ГEС-1» қурилишини жадаллаштиришга келишилгани қайд этилди.
Шунингдек, учрашув давомида ушбу лойиҳани муваффақиятли амалга ошириш, янги электр узатиш линияларини қуриш ҳамда сув ресурсларидан унумли фойдаланиш билан боғлиқ ташкилий ва ҳуқуқий масалалар атрофлича муҳокама қилинди.
Бундан ташқари, шу куннинг ўзида Қирғизистон ва Қозоғистон Энергетика вазирларини Ўзбекистон Бош вазири Абдулла Арипов қабул қилди.