Россия олимлари қўзғолонларни тарқатиш учун “тошбақа” роботини ихтиро қилишди
Роботда 2 та модификация мавжуд бўлиб, ташқи томондан майда ва кесувчи зирҳлар билан ҳимояланган.
Россия Фанлар академиясининг “Кабардин-Балкар” илмий маркази олимлари Россия мудофааси учун кўчадаги тартибсизликларни бостиришга қодир бўлган ва электр шок тўппончаси, тўр улоқтиргичлар билан қуролланган “тошбақа” роботи лойиҳасини таклиф қилишди.
Мазкур ихтиронинг асосий хусусиятларидан бири унинг ихчамлиги, видеокузатув ва юзни таниб олиш тизими билан жиҳозланганида.
Робот соатига 50-60 километр тезликда ҳаракатлана олади.
Робот ихтирочилари ғояси бўйича, робот гуруҳ бўлиб ёки якка ҳолда митинг ўтказаётган одамлар олдига боради ва мегафон орқали ноқонуний ҳаракатларни бас қилишни ҳамда тарқалишни сўрайди.
Бўйсунмаслик ҳамда қочишга уриниш ҳолатларида робот қочоқни ортидан етиб олади ва тўр ёки тез қотувчан кўпик отиш орқали тўхтатади.
Муаллифлар тақдим этган маълумотларга кўра, робот инсон танаси билан солиштирганда, бел қисмигача кўтарила олади.
Бундан ташқари, робот унинг механизмлари ва ҳатто кузатилган шасси элементларига кириш, тегиш имконига фақатгина ҳимояланган парол орқали маълумот беради.
Эслатиб ўтамиз, аввалроқ Хитойда учар автомобиль тақдим этилгани ҳамда Японияда учарвелосипед (байк) яратилгани ҳақида хабар берилганди. Шунингдек, америкалик миллиардер Жеф Безос New Shepard ҳаво кемасининг парвозига оид янги видеони тақдим этганди.
Чўлпоной Аҳмедова
