Россия Япония машғулотларига кескин норозилик билдирди
Япония ҳарбий машғулотлари фуқароларга хавф туғдирди.
Россия Ташқи ишлар вазирлиги Япония элчихонасига 23 май куни содир бўлган ҳарбий машғулотлар сабаб кескин норозилик нотаси юборди. Бу ҳақда Россия ТИВ баёнотида маълум қилинди.
Баёнотга кўра, Япония денгиз хавфсизлиги агентлигининг Кавагири патруль катери иштирокидаги отишмалар Ҳоккайдо оролидаги Ширетоко бурнидан 18,5 км шимолда, очиқ денгизда, чет эл кемалари яқинида ва олдиндан огоҳлантиришсиз амалга оширилган.
“Россия Федерацияси чегаралари яқинидаги бу каби масъулиятсиз ҳаракатлар халқаро ҳуқуқнинг очиқ бузилишидир. Бу Россия фуқаролари ҳаёти ва соғлиғига таҳдид солади ва қатъиян қабул қилиб бўлмайди”, — дейилади TIV баёнотида.
Россия бундай воқеалар такрорланмаслигини талаб қилмоқда.
