Селена Гомез ижтимоий тармоқлардан фойдаланишдан воз кечди
У дунёда содир бўлаётган дахшатларни ортиқ кўра олмаслигини айтган.
Машҳур америкалик қўшиқчи ва актриса Селена Гомез бир муддат ижтимоий тармоқлардан фойдаланишдан воз кечишга қарор қилганини айтди.
Юлдузнинг фикрича, бунга дунёдаги зўравонлик ва террор сабаб бўлган. У, шунингдек, болаларни ҳимоя қилишга чақирди ва бу даҳшатни бутунлай тўхтатиш муҳимлигини таъкидлади.
"Ижтимоий тармоқлардан танаффус қиляпман, чунки дунёда содир бўлаётган даҳшат, нафрат, зўравонликни кўриб юрагим эзилади. Одамларни қийноққа солиш ва ўлдириш ёки бирон бир гуруҳга нисбатан нафратланиш даҳшатли. Биз барча одамларни, айниқса, болаларни ҳимоя қилишимиз ва зўравонликни абадий тўхтатишимиз керак. Агар менинг сўзларим ҳамма учун етарли бўлмаса, кечирасиз. Мен дунёни ўзгартирмоқчиман"-деб ёзади у.
