TikTok пулли обуна хизматини синовдан ўтказишни бошлади

 

TikTok вакили The Information нашрига ижтимоий тармоқ блогерлар учун манфаатли бўлган пуллик обуналарни синовдан ўтказаётганини тасдиқлади, аммо тўлиқ тафсилотларни ошкор этишдан бош тортди.

 

Ҳозирча TikTokда фақат ижтимоий тармоқнинг ички валютаси ишлайди, у орқали муаллифлар учун совға сотиб олишда фойдаланиш мумкин.

 

TikTok 2021 йил октябрь ойидан бери 100 000 дан ортиқ обуначига эга блогерлар учун айрим хизматларни синовдан ўтказмоқда. Муаллифлар $1 дан бошлаб исталган миқдор учун "чойчақа" олишлари мумкин.

 

Маълумот учун: 2022 йил 19 январда Instagram АҚШда пуллик обуналарни синовдан ўтказишни бошлади. Ҳозирча фақат 10 та блогер обуначилар учун эксклюзив постлар, “сториес"лар ва жонли эфир учун ҳақ олиши мумкин.

 

Эслатиб ўтамиз, аввалроқ ТикТок платформаси “доставка” хизматини йўлга қўймоқчи экани ҳамда TikTok платформасига ўзбек тили қўшилиши мумкинлиги хақида хабар берилганди.

Чўлпоной Аҳмедова