ТикТокда янги чекловлар жорий қилинмоқда

 

ТикТок ижтимоий тармоғи “Оила созламалари” бўлимида янги функцияни ишга туширди. Энди ота-оналар ўз фарзандлари учун иловадан фойдаланиш вақтини чеклаш имкониятига эга бўлади.

 

Маълум қилинишича, ТикТок ишлаб чиқувчилари “Фаол бўлмаган вақт” деб номланган янги созламани яратди. Ушбу функция орқали ота-оналар фарзандларининг ТикТокъдан фойдаланиш вақтини бошқариши, масалан, мактаб дарслари ёки тунги соатларда иловага киришни тақиқлаши мумкин. Шунингдек, улар такрорий жадвал яратиб, рақамли детокс жараёнини автоматлаштириши мумкин.

 

Бундан ташқари, “Оила созламалари” функцияси ота-оналарга фарзандларининг аккаунт фаолиятини батафсил кузатиш имкониятини ҳам тақдим этади. Улар болаларининг кимни кузатаётгани, ким уларнинг саҳифасига обуна бўлгани ва кимни блоклаганини кўра олади.

 

Шунингдек, яқин келажакда ТикТок ота-оналарга платформада хавфли ёки нотўғри контент мавжудлиги ҳақида огоҳлантириш берувчи янги функцияни ҳам ишга туширишни режалаштирмоқда. Бу янгилик ота-она назорати ёқилмаган тақдирда ҳам, ўсмирларнинг хавфсизлигини таъминлашга ёрдам беради.