Президент ёрдамчиси Саида Мирзиётева янги TASHKENT TECH техника университетини ташкил этиш бўйича Ташкилий қўмита йиғилишида иштирок этди.
Қайд этилишича, ёшлар ўртасида техник таълимнинг нуфузини оширишга қаратилган ушбу кенг кўламли лойиҳа Ўзбекистон Республикаси Президентининг топшириғига мувофиқ амалга оширилмоқда.
“Стратегик вазифамиз юксак халқаро стандартларга мос янги авлод университетини яратишдир. Биз замонавий меҳнат бозорининг энг юқори талабларига жавоб берадиган муҳандислар етишиб чиқадиган экотизимни шакллантирамиз.
TASHKENT TECH Тошкент давлат техника университети негизида Boston Consulting Group кўмагида босқичма-босқич ишга туширилади. Ушбу лойиҳа жаҳоннинг илғор амалиётларини саноат ва инновацион ривожланишимиз эҳтиёжларига мослаштирган ҳолда интеграция қилиш имконини беради.
TASHKENT TECH шунчаки олий ўқув юрти эмас, балки Ўзбекистоннинг технологик суверенитети ва барқарор индустриал ўсишининг ҳаракатлантирувчи кучига айланади” деб ёзди Мирзиёева ўз телеграм каналида.