АҚШ Президенти Дональд Трамп Нобел тинчлик мукофоти бўйича қарор масаласида ўз муносабатини билдирди. Унга кўра, 2025 йилги мукофот айнан унга топширилиши лозим.
Виржиния штатидаги Квантико ҳарбий базасида юқори лавозимли ҳарбийлар билан учрашув чоғида Трамп шундай деди: “Агар Нобел мукофоти менга берилмаса, бу наfaқат шахсан мен учун, балки бутун Америка Қўшма Штатлари учун ҳақорат бўлади. Мен бу мукофотни ўзим учун эмас, мамлакатим номидан олишни истайман.”
Трамп ўзининг президентлик даври бошидан буён қатор халқаро зиддиятларни бартараф этишга ҳисса қўшганини таъкидлади. Унинг айтишича, Ҳиндистон ва Покистон, Миср ва Эфиопия, шунингдек, Сербия ва Косово ўртасидаги кескинликларни юмшатишга муваффақ бўлган.
Шунингдек, Исроил бош вазири Биньямин Нетаньяху аввалроқ Нобел қўмитасига мурожаат қилиб, Трампнинг Ғазо секторидаги урушни тўхтатиш бўйича ташаббусларини эътироф этиб, уни мукофотга лойиқ деб топишга чақирган эди.