Оқ уй маълумотига кўра, АҚШ президенти Доналд Трамп томонидан билдирилган огоҳлантиришлардан сўнг Эрон томонидан режалаштирилган 800 та қатл бекор қилинган. Бу ҳақда rbc.ru хабар берди.
Оқ уй матбуот котиби Керолин Ливитт матбуот анжуманида Президент ва унинг жамоаси Эрон расмийларини намойишчиларни ўлдириш жиддий оқибатларга олиб келиши мумкинлиги ҳақида огоҳлантирганини маълум қилди. Шундан сўнг АҚШ президенти қатллар ва зўравонликлар тўхтатилгани ҳақидаги хабарни олган.
Қайд этилишича, Эрон томони ушбу қатллар бўйича расмий баёнот эълон қилмаган. Оқ уй эса вазиятни диққат билан кузатишда давом этаётганини ва барча эҳтимолий чоралар очиқлигича қолаётганини билдирган.
Керолин Ливиттнинг таъкидлашича, агар минтақада барқарорликни тиклаш мақсад қилинса, бу борадаги ҳаракатларни чўзмасдан амалга ошириш зарур. Унинг сўзларига кўра, жараённи бир неча ойга кечиктириш таъсирни сезиларли даражада камайтириши мумкин.
Аввалроқ Reuters агентлиги норозилик намойишларини бостириш жараёнида хавфсизлик кучлари иштирокида тахминан 2600 киши ҳалок бўлганини хабар қилган эди. Эрон давлат телевидениеси эса АҚШ президентининг таҳдидларига қарамай, расмий Теҳрон позицияси ўзгармаганини маълум қилган.
Сўнгги кескинлик фонида Эрон профилактик зарба беришга тайёр эканини эълон қилган. Шундан сўнг Пентагон Қатардаги АҚШнинг Яқин Шарқдаги асосий ҳарбий базасида хизмат қилаётган ходимларга эвакуация бўйича тавсиялар берган.