Трампнинг ҳимоячилари унинг суд жараёнини 2026 йилга қолдиришни сўрамоқда
Суд унинг 2024 йилги президентлик сайлов кампаниясига таъсир қилади.
АҚШнинг собиқ президенти Дональд Трампнинг ҳимоячиси суддан Капитолийга бостириб кириш бўйича суд жараёнини 2026 йилда бошлашни сўрамоқда.
Аввалроқ Трамп 2024-йилги сайлов кампанияси тугагунига қадар суд қилинмаслиги кераклигини айтганди. Капитолийга бостириб кириш ишида прокурор суддан жараённинг тезлаштирилган тартибини сўрашини айтди.
Бу ҳолатда Трампга “АҚШни алдаш мақсадида фитна уюштириш”, “расмий тартиб-қоидаларга аралашиш мақсадида фитна уюштириш” айбловлари қўйилган.
Айтилишича, Трамп ўзининг номлари ошкор қилинмаган олти нафар шериги ёрдамида ушбу ҳаракатларни содир этган.
2021 йил 6 январда Трамп тарафдорлари Конгрессни бир неча соат давомида тўсиб қўйиб, Капитолийга ҳужум қилишди. Намойишчилар бинодан чиқариб юборилгач, конгрессменлар президентлик сайловларида Жо Байденнинг ғалабасини маъқулладилар. Кейинчалик Қўшма Штатларда юзлаб одамлар ҳужумда иштирок этганликда айбланиб, ҳуқуқ-тартибот органлари томонидан ҳибсга олинди.
