Twitter фойдаланувчиларни “абадий блокировка қилиш” сиёсатини қайта кўриб чиқмоқда, деб ёзади Financial Time.
Бу "Илон Маскнинг ижтимоий медиа платформаси ҳақидаги тасаввурига мувофиқ" содир бўлмоқда.
Twitter тақиқнинг ўрнини босадиган контентни модерация қилишнинг бошқа воситалари бор ёки йўқлигини ўрганмоқда, деб ёзади газета вазиятдан хабардор бир неча кишига таяниб.
Аввалроқ Илон Маск Twitter'да АҚШнинг собиқ президенти Доналд Трампни блокдан чиқаришга ваъда берган эди.
Бироқ Financial Time мақоласида айтилишича, ҳар қандай сиёсат ўзгариши Трампнинг платформага қайтишига йўл очиши даргумон, чунки Twitter ўзининг зўравонликка қарши сиёсатини бузгани учун қўйилган тақиқларни бекор қилиш ҳақида ўйламайди.