Миср Соғлиқни сақлаш вазирлиги иккита касалланиш ҳолати қайд этилганини маълум қилди, деб хабар берди “РИА Новости”.
“Гриппга ўхшаш касалликлар, ўткир респиратор инфекциялар ва пневмонияни кузатувчи марказларнинг тест натижалари COVID-19 EG-5.2 вариантининг иккита ижобий ҳолатини тасдиқлайди”, — дейилади агентлик хабарида.
Мамлакат Соғлиқни сақлаш вазирлиги иккала бемор ҳам касалликка осонликча тоқат қилишини ва тузалиб кетаётганини айтди. Беморларнинг ёши аниқланмаган.
Аввалроқ Россия Истеъмолчилар ҳуқуқларини ҳимоя қилиш ва инсон фаровонлигини назорат қилиш федерал хизмати мамлакатда EG.5“эрис” коронавирусининг омикрон штаммининг янги варианти билан касалланган 17 та ҳолат аниқлангани ҳақида хабар берган эди. Вируснинг янги версияси ҳали кенг тарқалмаган.
Бунгача Жаҳон соғлиқни сақлаш ташкилоти EG.5.1 коронавирус омикрон штаммининг янги субвариантига эга бўлган касалликлар сонининг тез ўсишини эълон қилган эди. Вирусологларнинг фикрича, янги вариант охир-оқибат коронавируснинг доминант шаклига айланиши мумкин.