Тошкент вилоятининг Янгийўл шаҳрида Laсetti чуқурга тушиб кетиб, йўл-транспорт ҳодисасига учради. Бу ҳақида вилоят ИИББ ЙҲХБ маълумот берди.
Қайд этилишича, соат 5:15 ларда Тошкент вилояти Янгийўл шаҳри ҳудудидан ўтган Тошкент-Душанбе автомобиль йўлининг 26-километрида ҳайдовчи Lasetti русумли транспорт воситасини бошқариб кетаётган вақтида эҳтиётсизлик оқибатида шу жойда қурилаётган ерости пиёдалар ўтиш жойидаги чуқурга тушиб кетган.
Ушбу йўл-транспорт ҳодисаси натижасида ҳайдовчи ва 2 нафар йўловчилар Янгийўл шаҳар тиббиёт бирлашмасига мурожаат қилишган.
Ҳолат юзасидан Янгийўл шаҳар ИИБ томонидан терговга қадар суриштирув ишлари олиб борилмоқда.