Япония Россия билан Белорусга қарши санкциялар жорий этди
Дмитрий Песков, Рамзан Қодиров, Алишер Усмонов каби шахслар қора рўйхатга киритилган.
Япония ҳукумати Россиянинг Украинага ҳарбий босқинини уюштиришда иштирок этган яна 20 нафар россияликга нисбатан шахсий санкциялар киритди. Тегишли рўйхатлар мамлакат ТИВ матбуот хизмати томонидан эълон қилинган.
Шундай қилиб, қора рўйхатга Россия Федерацияси президентининг матбуот котиби Дмитрий Песков, президент маъмурияти раҳбарининг биринчи ўринбосари Сергей Кириенко, президент маъмурияти раҳбари ўринбосари Дмитрий Козак, Чеченистон раҳбари Рамзан Қодиров киритилди.
Бундан ташқари, россиялик олигархлар, жумладан, ака-ука Ротенберглар, Геннадий Тимченко, Алишер Усмоновлар ҳам чекловларга дучор бўлган. Шунингдек, икки ташкилот - Интернет тадқиқот агентлиги ва "PMC Wagner"га нисбатан ҳам санкциялар жорий этилди.
Япония Россияга нефтни қайта ишлаш ускуналарини экспорт қилишни тақиқлайди.
Россия Федерациясидан ташқари, Беларусдан 12 нафар жисмоний шахс ва 10 та компания ва ташкилот ҳам санкциялар остида қолган. Япония Ташқи ишлар вазирлиги рўйхатида, жумладан, Александр Лукашенконинг ўғиллари Виктор ва Дмитрий, унинг матбуот котиби Наталя Эйсмонт ва ички ишлар вазири Иван Кубраков ҳам бор. Токио Беларусь Мудофаа вазирлигига экспортни тақиқлади.
