Японияда тиббиёт муассасаси ички қоидаларни бузгани учун жазоланди
Японияда клиника чекишга қарши қоидаларни бузгани учун беморларга 30 минг доллар тўлайди.
Япониянинг Гифадаги Қизил Хоч касалхонаси ички қоидаларни бузган шифокор ва ҳамширалар туфайли юзага келган жанжалдан сўнг, беморларга компенсация тўлайди.
Маълум қилинишича, ушбу муассасада 2005 йилдан буён тўлиқ чекиш тақиқланган бўлишига қарамай, 16 нафар ходим – жумладан шифокорлар, ҳамширалар ва маъмурият вакиллари – йиллар давомида яширинча чекишган. Бу ҳолат беморлар ва жамоатчилик учун катта умидсизликка айланди, чунки касалхона соғлом турмуш тарзини фаол тарғиб қилиб, ҳатто чекишни ташлашга ёрдам берувчи бўлимни ҳам очган эди.
Япония миллий тиббий суғуртаси тартибларига кўра, бундай клиникалар давлатдан тўлов олиш учун бутун ҳудудда чекишни қатъиян тақиқлаши шарт. Мазкур талаб бузилгани аниқлангач, шифохона 2006 йилдан 2024 йилгача ноқонуний олинган маблағ – тахминан 30 минг АҚШ долларини (4,5 миллион иен) қайтаришга қарор қилди. Бу маблағ 750 га яқин беморга, шунингдек, суғурта фондларига компенсация тариқасида тўланади.
Касалхона раҳбарияти: “Соғлом турмуш тарзини тарғиб қилувчи тиббиёт муассасасида бундай ҳолат юз берганидан чуқур афсусдамиз”-дея расмий баёнот берди.
