Ўзбекистон – Туркия пистачилик илмий маркази ташкил этилади
Қишлоқ хўжалиги вазирлигига қатор вазифалар юклатилди.
Туркиянинг Газиантеп пистачилик илмий-тадқиқот институти билан ҳамкорликда Самарқандда Ўзбекистон – Туркия пистачилик илмий маркази ташкил этилади.
Туркия серҳосил писта навлари коллекцияси асосида миллий писта навларини яратиш чоралари кўрилади. Шунингдек, уларнинг оналик кўчатзорларини ташкил этиш ҳамда Нуробод туманини пистачиликка ихтисослаштириш ишлари амалга оширилади.
Қишлоқ хўжалиги вазирлиги жорий йил сўнггигача қуйидаги вазифаларни бажаради:
– хусусий секторни жалб этган ҳолда мазкур туманларда амалга ошириладиган интенсив усулда мева-сабзавотчилик лойиҳаларини ишга тушириш чораларини кўради;
– Самарқанд вилоятида Ўзбекистон – Туркия пистачилик илмий марказини ташкил этиш, миллий писта навларини яратиш ва Нуробод туманини пистачиликка ихтисослаштириш юзасидан Вазирлар Маҳкамасига таклифлар киритади.
