The Times нашри ўтказилган сўровлар натижаларига таянган ҳолда, Украина Қуролли кучларининг собиқ Бош қўмондони ва Буюк Британиядаги элчиси Валерий Залужний истиқболдаги сайловларда амалдаги Президент Владимир Зеленскийни мағлуб этиши мумкинлигини маълум қилди дейди РБК нашри.
Нашрнинг қайд этишича, Зеленскийнинг рейтинги коррупция билан боғлиқ жанжал ортидан сўнг икки баробар пасайган. Шунга қарамай, ҳозирги кунда икки сиёсатчи ўртасидаги фарқ минимал бўлиб қолмоқда — тадқиқот маълумотларига кўра, Зеленский 30 фоизга яқин, Залужний эса 25 фоиздан ортиқ қўлловга эга.
Залужнийнинг машҳурлиги, аввало, можаронинг дастлабки босқичларида Украина мудофаасига бошчилик қилгани ва “уруш қаҳрамони” сифатида танилгани билан боғлиқ. 2024–2025 йилларда ўтказилган бир қатор ижтимоий сўровлар натижаларида ҳам у юқори ишонч кўрсаткичларини қайд этган. Масалан, New Image Marketing Group сўровида респондентларнинг 70 фоизи унга ишонч билдирган.
Шунга қарамай, Залужнийга яқин манбалар унинг президентликка номзод бўлиш эҳтимоли жуда пастлигини билдирган. Ўзи ҳам уруш шароитида сайловларни ўтказишнинг имконсизлигини таъкидлаб келади.
Украинада президентлик сайлови ўтган йили бўлиб ўтиши керак эди, бироқ ҳарбий ҳолат сабабли ортга сурилган. Зеленскийнинг ваколати 2024 йил май ойида якунланган бўлсада, янги президент сайланмагани сабабли у амалдаги давлат раҳбари сифатида фаолиятини давом эттирмоқда. Россия эса бу вазиятни “ноқонуний” деб баҳолаган.