ZTE компанияси YouCare деб номланган футболкани намойиш этди. У инсон организмидаги муҳим биологик жараёнларни қайд этади ва 5G тармоғи орқали узатади, деб ёзади Gizmochina.
Маълумот берилишича, YouCare текстилдан тайёрланган ва уни ювиш мумкин.
Ишлаб чиқарувчиларнинг таъкидлашича, унга полимердан тайёрланган узаткичлар ўрнатилган.
Футболка нафас олиш жараёнини таҳлил қилади, электрокардиограмма қилади, тер ажралиши ва мушаклар фаоллигини қайд этади.
Олинган маълумот рақамли шаклга ўтказилади ва смартфон ёки ақлли соатга узатилади.