O‘zbekiston, Qozog‘iston va Rossiya hamkorligida Xo‘ja Nasriddin haqida multfilm suratga olinadi
Rossiyalik kinorejissyor va prodyuser Timur Bekmambetov O‘zbekiston Milliy kinematografiya agentligi va “Kazakfilm” kinostudiyasi bilan birgalikda animatsion maktab ochishni rejalashtirilmoqda.
"Ipak yo‘li durdonasi" XIII Toshkent xalqaro kinofestival doirasida har uch tomon bu xaqda shartnoma asosida kelishib oldi. Rejada aytilishicha, u keyinchalik to‘laqonli studiyalarga aylanishi kerak. Unda afsonaviy Sharq qahramoni “Xo‘ja Nasriddin sarguzashtlari” haqida animatsion multfilm olish ham ko‘zda tutilgan.
"O‘rta Osiyo mamlakatlari Xo‘ja Nasriddinni hurmat qilishadi va uning vatani shu yerda deb ishonishadi. Biz sevimli ertak va masal qahramoni haqidagi animatsion filmni aynan O‘rta Osiyoda ishlashimdan xursandman", — deydi Timur Bekmambetov.
Eslatib o‘tamiz, kinofestival bosh homiysi: AGMK, NGMK va “O‘zbekneftgaz”. Hamkor homiylar: “O‘ZBEKTELEKOM”, “O‘zdonmahsulot” AK, “O‘zpromstroybank”ATB, “Ipoteka-bank” ATIB, “Asakabank”AJ, “O‘zbekiston temir yo‘llari”, “Hududgazta‘minot”, “UzAuto Motors”AJ, “O‘zmetkombinat” AJ, “Milliy bank”AJ, “Farg‘onaazot”AJ, “Eriell”, “Bosch” TM, “Easy Booking”.
Munojat Valiyeva
