Istanbulda Turkiy tilli davlatlar Madaniyat vazirlari uchrashdi
O‘zbekiston Respublikasi Madaniyat vaziri Ozodbek Nazarbekov Istanbul shahrida Turkiy tilli davlatlar Madaniyat vazirlari bilan uchrashdi.
“Qorqut ota turk dunyosi kino festivali” doirasida tashkil etilgan mazkur uchrashuvda Turkiya Madaniyat va turizm vaziri Mehmet Ersoy, Ozarbayjon Madaniyat vaziri Anar Kerimov, Qozog‘iston Respublikasi Madaniyat va sport vaziri Aktoti Raimkulova, Qirg‘iziston Respublikasi Madaniyat, axborot, sport va yoshlar siyosati vaziri Azamat Jamankulovlar ishtirok etdi.
Uchrashuvda Turkiy xalqlar o‘rtasida mavjud madaniy aloqalarni yanada mustahkamlash, yangi madaniy loyihalar yuzasidan hamkorlik qilish, o‘zaro tajribalar almashish kabi masalalar yuzasidan fikr-mulohazalar almashinib, kelgusi rejalar muhokama qilindi.
Avvalroq, Shavkat Mirziyoyev Turkiya Prezidenti Rejep Tayyip Erdog‘an bilan uchrashgani haqida xabar bergandik.
