O‘zbekistonda qancha elektr energiyasi ishlab chiqarilgani ochiqlandi
O‘sish surʼati 9,4 % ni tashkil qilmoqda.
2021-yilning yanvar–oktabr oylarida yirik korxonalar tomonidan 57,1 milliard kVt soat elektr energiyasi ishlab chiqarilgan. Bu haqda Davlat statistika qo‘mitasi xabar berdi.
Jami elektr energiyasi ishlab chiqaruvchi korxonalar tomonidan respublika miqyosida ishlab chiqarilgan elektr energiyasining jami hajmida:
Toshkent viloyati – 23,2 %
Sirdaryo viloyati – 22,2 %
Qashqadaryo viloyati – 19 %
Navoiy viloyati – 16,1 %.
Bunda o‘tgan yilning mos davriga nisbatan elektr energiyasi ishlab chiqarish hajmi 4,9 milliard kVt soatga oshgan.
Eslatib o‘tamiz, O‘zbekistonda ilk marta aholidan elektr energiyasi sotib olina boshlandi.
Avvalroq O‘zbekistonda 2025-yilgacha 18 ta elektr stansiya foydalanishga topshirilishi, Sirdaryoda yangi issiqlik elektr stansiyasi qurilishi, Samarqandda 100 million dollarlik fotoelektor stansiyasi qurib bitkazilishi hamda elektr energiyasi tanqisligiga nima sabab bo‘layotgani haqida xabar berilgandi.
