Buxoroda 5 ta nodavlat MTT faoliyati to‘xtatildi
Ular noqonuniy yo‘l bilan davlat byudjeti mablag‘larini talon-taroj qilgan.
Buxoro viloyatining G‘ijduvon va Romitan tumanlarida DXSH asosidagi hamda oilaviy nodavlat MTTlarning 5 tasining faoliyati vaqtincha to‘xtatildi. Bu haqda Maktabgacha taʼlim agentligi xabar bermoqda.
Qayd etilishicha, davlat MTTda tarbiyalanayotgan tarbiyalanuvchilar go‘yoki YATT R.M. va YATT J.Sh.lardagi ONMTT tarbiyalanuvchilari sifatida NMTTBAT orqali davomatdan o‘tkazilgan.
Davlat MTTda faoliyat olib borayotgan xodim xuddi shu ishlayotgan davlat MTTsidagi tarbiyalanuvchilarni o‘zi ochgan YATT M.D.dagi oilaviy NMTTdagi tarbiyalanuvchilar o‘rniga davomatdan o‘tkazgan.
YATT H.M.da faoliyat yuritayotgan tarbiyachi Sh.D. YATT N.S.dagi tarbiyalanuvchilarning tasvirini yuklab, go‘yoki YATT H.M.ning tarbiyalanuvchisi sifatida davomat qilganligi aniqlangan.
Agentlikka ko‘ra, Hukumat qarorlariga zid ravishda faoliyat olib borib, davlat byudjetidan subsidiyalarni noqonuniy yo‘llar bilan o‘zlashtirayotgan qo‘shtirnoq ichidagi ayrim tadbirkorlarning faoliyatiga qonuniy chora ko‘rish uchun huquq-tartibot organlariga to‘plangan hujjatlar yuborilmoqda.
Vazirlar Mahkamasi tomonidan tasdiqlangan Nizomning 33-bandida DXSH asosidagi MTT, shu jumladan, oilaviy MTT tomonidan bir bolaning maʼlumotlari NMTTBATga kiritilib, uning fotosurati o‘rniga boshqa bola (tarbiyalanuvchi)Ning fotosurati ushbu axborot tizimiga joylashtirilganligi va uning asosida davomati belgilanib kelinayotganligi aniqlanganda, mazkur tarbiyalanuvchi MTTga qatnagan barcha davri uchun to‘langan subsidiyalar summasi to‘liq Davlat byudjetiga undiriladi.
Ushbu holat aniqlangan oydan boshlab uch oy davomida subsidiya to‘lovlari mazkur DXSH asosidagi MTTga hisoblanmaydi va to‘lanmaydi. Bunday holat ikkinchi marta aniqlanganda ushbu DXSH asosidagi MTT bilan davlat-xususiy sheriklik to‘g‘risidagi bitim bekor qilinadi va qayta tuzilmaydi.
