O‘zbekistonda “Elektron retsept” tizimi yo‘lga qo‘yiladi
Germaniyaning “KfV” banki O‘zbekistonga 12 yil muddatga 45 million yevro qarz va 5,5 million yevro grant ajratmoqda.
Germaniyaning “KfV” banki O‘zbekistonga 12 yil muddatga 45 million yevro qarz va 5,5 million yevro grant ajratmoqda. Bu mablag‘ “Raqamli sog‘liqni saqlash islohotlarini qo‘llab-quvvatlash” loyihasi uchun ishlatiladi.
Prezident qarori bilan tasdiqlangan 2023–2025 yillarda sog‘liqni saqlash tizimini raqamlashtirish bo‘yicha chora-tadbirlar rejasida yana bir qator loyihalar nazarda tutilgan:
➖ Sanatoriylarga yo‘llanma olish, navbatni kuzatish va mavjud bo‘sh o‘rinlarni ko‘rish imkoniyatini beradigan “Elektron sanatoriy” platformasini ishlab chiqish;
➖Onkologik kasalliklarga chalingan bemorlarning elektron ro‘yxatini yuritishga mo‘ljallangan “Sanser-registr” axborot tizimini joriy etish;
➖Ona va bola salomatligi pasportining elektron tizimini yaratish;
➖Yagona portal orqali vaqtincha mehnatga layoqatsizlik varaqalari maʼlumotnomalarini olish imkoniyatini yaratish.
