0
Samarqandda tarixy obyektlarga 9 mlrd so'mlik zarar yetkazilgani aniqlandi
Holat yuzasidan jinoyat ishi qo'zg'atilgan.
Bosh prokuratura maʼlumotlariga ko‘ra, Samarqand viloyati Urgut tumani “Mingtepa” mahallasida joylashgan “To‘lqirtepa-1” tarixiy arxeologiya yodgorligining 163 metr kub hajmdagi yer maydoni maxsus texnika yordamida kovlab olinib, obyektga 4 mlrd so‘m zarar yetkazilgani aniqlandi.
Shuningdek, ushbu tumanning “Quyiqishloq” mahallasida joylashgan o‘rta asrlarga oid “Teshiktepa”, “Dehqonobod” mahallasidagi “Qulqishloqtepa-2” va “Ogahiy” mahallasidagi “Mozortepa” arxeologiya obyektlari qisman buzilishi oqibatida jami 5 mlrd so‘m zarar yetkazilgan.
Hozirda yuqoridagi holatlar yuzasidan jinoyat ishlari qo‘zg‘atilib, tergov harakatlari olib borilmoqda.
