2030 yilgacha O‘zbekistonga yana 56 ta zamonaviy avialayner olib kelinadi
Shuningdek, aviaqatnovlar soni 4 barobar oshiriladi.
2030 yilga qadar O‘zbekistonga yana 56 ta zamonaviy avialayner olib kelinadi. Bu haqda Prezident Shavkat Mirziyoyev Butunjahon turizm tashkiloti Bosh Assambleyasining 25-sessiyasidagi nutqida maʼlum qildi.
“2030 yilga qadar yana 56 ta zamonaviy avialayner olib kelamiz va aviaparkimizdagi samolyotlar sonini 100 taga yetkazamiz. Bundan tashqari, aviaqatnovlar soni 4 barobar oshiriladi. Barcha aeroportlarda “ochiq osmon” rejimi joriy qilinadi, hududlardagi 6 ta yirik aeroport xususiy sheriklik asosida yangilanadi”, dedi davlat rahbari.
