Nukusda tibbiyot xodimi pora bilan qo‘lga tushdi
U fuqaroni ishga joylash uchun 22 mln so‘ragan.
Qoraqalpog‘iston Respublikasi va Buhoro viloyatida ishga kiritib qo‘yishni vaʼda qilgan firibgarlar ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Qayd etilishicha, fuqarolar Z.K. va D.K. o‘zaro til biriktirib, fuqaro M.R.ni yuqori lavozimda ishlovchi tanishlari yordamida Buxoro Perinatal markaziga ishga kiritib qo‘yishi evaziga 2 500 AQSH dollarini olgan vaqtlarida ashyoviy dallilar bilan qo‘lga tushgan.
Shuningdek, Qoraqalpog‘iston Respublikasi bolalar tibbiyot reabilitatsiya markazida bo‘lim bo‘lim boshlig‘i G.X. fuqaro A.A.ni yuqori lavozimda ishlovchi tanishlari yordamida 2 000 AQSH dollari evaziga Nukus shahridagi oilaviy poliklinikaga ishga kiritib qo‘yishini aytib, 22 mln so‘mni olgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.
