Rossiyada 11 nafar o‘zbekistonlik bir ayol sabab mushtlashdi
To‘qnashuv Sankt-Peterburgdagi "Kattaqo‘rg‘on" kafesi yonida sodir bo‘lgan.
Rossiyaning Sankt-Peterburg shahrida 11 nafar o‘zbekistonlik bir ayol sabab mushtlashdi.
Qayd etilishicha, janjal 17-oktabr kuniga o‘tar kechasi shaharning Dostoyevskiy ko‘chasidagi "Kattaqo‘rg‘on" kafesi yaqinida sodir bo‘lgan.
Huquq-tartibot idoralari xodimlari tomonidan ichki ishlar bo‘limiga 23 yoshdan 42 yoshgacha bo‘lgan 12 nafar O‘zbekiston fuqarosi, jumladan sartarosh bo‘lib ishlayotgan 34 yoshli ayol olib borilgan. Ma’lum bo‘lishicha, to‘qnashuv aynan u sabab kelib chiqqan.
Janjal oqibatida ikki kishi bosh miya yopiq jarohati, miya chayqalishi va tanasining bir nechta qismidagi ko‘karishlar bilan shifoxonaga yotqizilgan.
Hibsga olinganlarga nisbatan immigratsiya qonunchiligini buzganlik uchun oltita, mayda bezorilik uchun sakkizta bayonnoma tuzilgan. Bundan tashqari, tekshiruv natijalariga ko‘ra, jinoyat ishi qo‘zg‘atilgan. Mojaroning to‘rt qo‘zg‘atuvchisi bezorilikda gumon qilinmoqda.
"Fontanka"ga ko‘ra, voqea sodir bo‘lgan o‘zbek oshxonasi bir necha bor mahalliy aholining shikoyatlariga sabab bo‘lgan. Yil boshidan buyon uning ustidan 20 ta shikoyat kelib tushgan. Yuqoridagi voqeaga qadar ham poliTsiya tomonidan uning faoliyati to‘xtatib qo‘yilgan.
