Farg‘onada Lacetti yo‘l chetidagi ustun va daraxtga urilib, ag‘darildi
Haydovchiga voqea joyida tibbiy yordam ko‘rsatilgan.
2026-yil 22-avgust kuni soat 16:40 lar chamasi Farg‘ona shahrining Quvasoy ko‘chasida yo‘l-transport hodisasi sodir bo‘ldi.
Farg'ona YHXB ma’lum qilishicha, 2002-yilda tug‘ilgan R. J. boshqaruvidagi Lacetti avtomobili harakatlanish vaqtida boshqaruvni yo‘qotib, yo‘l chetidagi ko‘cha yoritish ustuni va daraxtga urilgan. To‘qnashuv oqibatida avtomobil ag‘darilib ketgan.
Hodisa natijasida haydovchiga voqea joyining o‘zida tez tibbiy yordam xodimlari tomonidan birinchi tibbiy yordam ko‘rsatilgan. Shundan so‘ng uning uyiga ketishiga ruxsat berilgan.
Hozirda mazkur holat yuzasidan Farg‘ona shahar IIB YHXB tomonidan tergovga qadar tekshiruv harakatlari olib borilmoqda.
