“Dendropark"dagi qoidabuzarliklar yuzasidan jinoyat ishi qo‘zg‘atildi
Ayni damda tergov harakatlari olib borilmoqda.
Ekologiya, atrof-muhitni muhofaza qilish va iqlim oʻzgarishi vazirligi, Bosh prokuratura va boshqa mutasaddi davlat idoralari bilan hamkorlikda Toshkent tumanida joylashgan Oʻrmon xoʻjaligi agentligi huzuridagi “Darxon” ilmiy-tajriba stansiyasi (Dendropark) yer maydoni hududida oʻsimliklar dunyosi muhofazasi va oʻrmon fondi yerlaridan foydalanish holati oʻrganilgan.
Oʻrganish jarayonida “Darxon” ilmiy-tajriba stansiyasi hududida daraxtlarni nobud qilish, yer ajratish va undan foydalanish qoidalarini buzish bilan bogʻliq koʻplab holatlar aniqlandi.
Aniqlangan holatlar yuzasidan Bosh prokuratura tomonidan Jinoyat kodeksining 198-(ekinzorlarni, oʻrmonlarni, daraxtlarni yoki boshqa oʻsimliklarni shikastlantirish yoxud nobud qilish) va 205-(hokimiyat yoki mansab vakolatini suiisteʼmol qilish) moddalari bilan jinoyat ishi qoʻzgʻatilgan.
Ayni damda tergov harakatlari olib borilmoqda.
