Toshkent — Istanbul yo‘nalishidagi beshta reys bekor qilindi
"Uzbekistan Airports" buning sababini maʼlum qildi.
Ro‘yxatdan o‘tish tizimidagi nosozlik tufayli Turkish Airlines aviakompaniyasining 1 va 2 noyabrga rejalashtirilgan beshta reysi bekor qilingan. Bu haqda Uzbekistan Airports AJ matbuot xizmati xabar berdi.
Kompaniya telegram-kanalida bekor qilingan reyslarning ro‘yxati eʼlon qilingan.
1 noyabr:
THY-4331 Toshkent — Istanbul;
THY-370 Istanbul — Toshkent;
THY-364 Istanbul — Toshkent.
2 noyabr:
THY-371 Toshkent — Istanbul;
THY-365 Toshkent — Istanbul.
Maʼlum bo‘lishicha, tizimda nosozlik kuzatilgunga qadar 1 noyabrga belgilangan Toshkent — Istanbul yo‘nalishidagi THY-4331 reysiga 70 nafar yo‘lovchi ro‘yxatdan o‘tishga ulgurgan. Parvozlar bekor qilishgach, ushbu yo‘lovchilar mehmonxonaga joylashtirilgan.
Uzbekistan Airports parvozlar haqida qo‘shimcha maʼlumot olish uchun aviakompaniya vakillariga murojaat qilishni tavsiya etgan.
