Saida Mirziyoyeva Xitoy tashqi ishlar vaziri Van I bilan ham uchrashdi
O‘zbekiston va Xitoy o‘rtasidagi strategik sheriklikni rivojlantirish masalalari muhokama qilindi.
Saida Mirziyoyeva Xitoy Kommunistik partiyasi Markaziy Qo‘mitasi Siyosiy byurosi a’zosi, XKP MQ Tashqi ishlar bo‘yicha komissiyasi devoni rahbari, Xitoy tashqi ishlar vaziri Van I bilan uchrashuv o‘tkazdi.
Qayd etilishicha, uchrashuv samimiy va do‘stona ruhda o‘tgan.
Suhbat davomida O‘zbekiston va Xitoy o‘rtasidagi strategik sheriklikning yangi bosqichga ko‘tarilgani hamda savdo, iqtisodiyot, investitsiya va madaniy aloqalar kabi ustuvor yo‘nalishlardagi munosabatlarni rivojlantirish masalalari muhokama qilingan.
Shuningdek, global masalalar bo‘yicha umumiy qarashlarni shakllantirishga alohida to‘xtalib o‘tilgan. Saida Mirziyoyeva Van Iga suhbat uchun minnatdorlik bildirdi.
