8-9 noyabr kunlari Toshkentga yuk mashinalari kiritilmaydi
Shahar IIBB harakat cheklanadigan ko‘chalarni maʼlum qildi.
8-9 noyabr kunlari Toshkent shahriga yuk tashuvchi transport vositalari kirishi cheklanadi. Bu haqda shahar IIBB maʼlum qildi.
Qayd etilishicha, shu kunlari Toshkentda “Iqtisodiy hamkorlik tashkiloti”ning 16-sammiti bo‘lib o‘tadi. Shu munosabat bilan poytaxtning quyidagi qo‘chalarida harakat vaqtincha cheklanadi:
1. Islom Karimov nomidagi aeroport maydonidan Bobur ko‘chasi bo‘ylab Bobur - Shota Rustaveli chorrahasigacha;
2. Nukus - Bobur chorrahasidan Nukus ko‘chasi bo‘ylab Movarounnahr ko‘chasigacha;
3. Oybek - Turkiston chorrahasidan Oybek, Afrosiyob va Olmazor ko‘chalari;
4. Islom Karimov - Bunyodkor chorrahasidan Islom Karimov ko‘chasi bo‘ylab Amir Temur – Islom Karimov chorrahasigacha;
5. Sharof Rashidov - Afrosiyob chorrahasidan Sharof Rashidov ko‘chasi bo‘ylab Kichik halqa aylanma yo‘ligacha;
6. Navoiy - Mustaqillik chorrahasidan Navoiy – Labzak chorrahasigacha;
7. Furqat – Beshyog‘och chorrahasidan Beshyog‘och ko‘chasi bo‘ylab Islom Karimov – Beshyog‘och chorrahasigacha;
8. Olmazor – Islom Karimov chorrahasidan Olmazor ko‘chasi bo‘ylab Navoiy ko‘chasigacha.
Harakatlanish cheklangan ko‘chalarda Tez-tibbiy yordam, favqulodda vaziyatlar bo‘linmalari transport vositalariga istisno tariqasida harakatlanish uchun ruxsat beriladi.
