Toshkent aeroportiga olib boruvchi ko‘prik yopildi
Yo‘lovchilarga aylanma yo‘llardan foydalanish tavsiya etilmoqda.

Toshkent xalqaro aeroportini Bobur ko‘chasi bilan bog‘lovchi ko‘prik yopildi. Bu haqda "Uzbekistan Airports" xabar berdi.
Qayd etilishicha, mazkur ko‘prik 4 noyabr soat 19:00 dan 5 noyabr soat 09:00 ga qadar transport vositalari harakati uchun yopiq bo‘ladi.
"Reyslarga kechikmaslik uchun yo‘lovchilarga aylanma yo‘llardan foydalanish va aeroportga odatdagidan oldinroq jo‘nab ketish tavsiya etiladi", deyiladi xabarda.







