264 ming dona pirotexnika vositalari savdosiga chek qo‘yildi
Bu haqda Toshkent viloyati bojxona boshqarmasi maʼlum qildi.
Toshkent viloyati bojxona boshqarmasi matbuot xizmatining maʼlum qilishicha, Toshkent viloyati bojxona boshqarmasi Kontrabandaga qarshi kurashish bo‘limi xodimlari tomonidan DXX xodimlari bilan hamkorlikda Toshkent shahri Uchtepa tumanida tezkor tadbir o‘tkazildi.
Tadbir davomida ushbu tumandagi yashash uylar oldida fuqaro R.N. tomonidan “shartli xaridor”ga 9 dona karton qutilarda va 1 dona polietilen paketda bo‘lgan, umumiy qiymati 100 million so‘mlik, 264 ming dona “Britanik” nomli pirotexnika vositalarini sotayotgan vaqtida to‘xtatib qolindi.
Hozirda holat yuzasidan tergovga qadar tekshiruv harakatlari olib borilmoqda.
