Mahkumlarga ruhiy va jismoniy bosim qilingani bo‘yicha Ombudsmanga 147 ta shikoyat tushgan
Bu haqda Ombudsman axborot xizmati rahbari Fotima Madrahimova maʼlum qildi.
Bu haqda Ombudsman axborot xizmati rahbari Fotima Madrahimova maʼlum qildi.
2023 yilning 10 oyida huquqni muhofaza qiluvchi organlar xodimlari tomonidan harakatlanish erkinligi cheklangan yopiq muassasalarda saqlanayotgan shaxslarga nisbatan ruhiy, psixologik, jismoniy yoki boshqacha tarzda bosim o‘tkazilganligi yuzasidan Ombudsmanga 147 ta shikoyat kelib tushgan.
Harakatlanish erkinligi cheklangan shaxslarga ruhiy, psixologik bosim hamda jismoniy qiynoqlar qo‘llangani haqidagi arizalarning 28 tasi bevosita monitoring tashriflari davomida amalga oshirilgan yakka tartibdagi qabullarda, 23 tasi yopiq muassasalardagi «Ombudsman qutisi» orqali, 46 tasi penitensiar muassasalar maʼmuriyati va mahkumlarning (mahbuslarning) yaqin qarindoshlari tomonidan pochta aloqasi xizmati orqali aniqlangan. Shuningdek, murojaatlarning 22 tasi esa Ombudsman va uning masʼul xodimlari tomonidan amalga oshirilgan shaxsiy qabullar paytida maʼlum qilingan.
Yana 22 ta murojaat elektron tarzda va 6 tasi Ombudsmanning “Ishonch telefoni” orqali kelib tushgan.
Maʼlum qilinishicha, alohida taʼkidlash joizki, ruhiy, psixologik, jismoniy yoki boshqacha tarzda bosim o‘tkazilganligi to‘g‘risida ijtimoiy tarmoqlarda tarqalgan 21 ta xabarlar o‘rganilib, bu bo‘yicha munosabat bildirilgan. Mutasaddi vazirlik va idoralarga Ombudsmanning 9 ta talabnomasi kiritilgan.
