Farg‘onada ehson qutisini o‘g‘irlaganlar ushlandi
Hozirda tergovga qadar tekshiruv o‘tkazilmoqda.
Ijtimoiy tarmoqlarda Farg‘ona viloyatining Qo‘shtepa tumanida nomaʼlum shaxslar masjid yonidagi ehson qutisini o‘g‘irlagani aks etgan videolar tarqaldi. Holat yuzasidan viloyat IIB maʼlumot berdi.
Holat 20 noyabr kuni tungi soat 02:12 larda “Sarmazor” jome masjidi yonida sodir bo‘lgan. E.N. Damas rusumli mashinasida sheriklari B.V. hamda S.A.lar bilan birga masjid tashqarisiga qo‘yilgan bir dona ehson qutisini ichidagi 80.000 so‘m puli bilan olib ketgan.
Hozirda ehson qutisi daliliy ashyo tariqasida olinib, tergovga qadar tekshiruv harakatlari olib borilmoqda.
